| |
 |
7 november om 11:20 |
| |
Ruth: Wês derby!
In dream fan musicus Hindrik van der Meer kaam út: It nochris útfieren fan de Frysktalige musical ‘Ruth’, op tekst fan Folkert Verbeek en syn eigen muzyk. De Lawei wie yn maaie dit jier trijeris útferkocht. “Skitterjend, prachtich en aktueel” kopte de krante. Fanwege it grutte sukses komt der in ekstra foarstelling op 22 novimber yn Snits de middeis om trije oere en de jûns om acht oere.
De musical wurdt útfierd troch It Kwartettekoar, besteande út betûfte sjongers, oanfuld mei solisten, in bernekoar, dûnsers en in orkest. Reimer Jan Rondaan skreau in tal nije arranzjeminten foar blazers en slachwurk. Tjerk Kooistra, bekend fan it Iepenloftspul yn Jorwert docht de rezjy. Yn it orkest spylje dit kear ek Rob du Jardin (fioele/trompet) en Basile Maneka Lukadi (perkusje) mei.
It wurdt sûnder mis wer in hiel bysûndere foarstelling mei sjongen, muzyk, dûns, film, lûd en ljocht. In ieuwenâld mar hiel aktueel ferhaal, oer minsken, striid, fertriet, wanhoop en hoop en boppe al de leafde.
Tagongskaarten euro 17,50 fia www.theatersneek.nl. |
| |
