| |
 |
25 mei om 17:43 |
| |
Anne Feddema
Reidhintsje op'e Styx, Anne Feddema. Koperative utjowerij, 2005.
De lêste aapkessjonger
De tebekrinnende strjitte
Briedt skaadzjende kopersang
Fan 'e lêste aapkessjonger
Yn 'e reten fan 'e muorre
Té betiid broazelich foarby de bonke
Syn lyrysk lúnsk liet
Dêryn rekke it fynbere ferdwûn
Under âld plasterwurk yn grauwe stien
Libbet syn grien amme fierder
Ut moassige toantriedden
Langjend nei gehoar
Komt hy no stiigjend
Lâns de strjitte
Betrouwend op syn leafste liere
Djip yn 'e oerklaai
Gûlt it sjongerminske
Yn in ferdroege aapkeskloer
It liet fan fergetten wurden
Anne Feddema |
| |
